Popular Bible Verses from ज्ञैन 5

Share

बोल़णैं का आजी लणअ बच़ार करी, हेरा-हेरी निं बिधाता लै नथोघी मानत मंदै लागणअ। सह आसा स्वर्गै अर तम्हैं आसा पृथूई दी, तैही निं साबा का बाधू गल्‍ला बोल़णीं।

ज़ै बिधाता कहा लै धन अर ज़ैदात दैए, सह डाहा तेऊ तेता भोगणा लै ताज़ै-नरोगै बी। तै आसा भलअ इहअ कि मणछ मैन्थ करना लै मगन रहे। अह आसा हाम्हां लै बिधातो दान।

ज़ुंण ढब्बै-धेल्‍लै लै खास्सअ झ़ूरा, सह निं तेता करै बी कधि रज़दअ, ज़ुंण इहअ सोठा कि सेठ हई हणीं तेऊए नंद, अह गल्‍ल बी आसा बृथा।

ज़ेभै तम्हैं बिधाता सेटा तेऊए पबित्र ज़ैगा डेओए, तेभै डाहै बडअ धैन। तम्हैं करनी इहअ समझ़णें कोशिश कि बिधाता तम्हां लै किज़ै करना लै बोला, ऐडै ज़िहअ बल़ीदान निं करी ज़हा का थोघ ई निं हंदअ कि भलअ आसा कि बूरअ!

ज़ेभै तम्हैं बिधाता लै मानत मने, तेता करै ज़ेतरअ छ़ेक्‍कै हई सका पूरी। सह निं ऐडै लै खुश हंदअ। तम्हैं ज़ेही मानत मनी, सह करनी तेही ई पूरी।

मानत मनी पूरी नांईं करनै का भलअ आसा इहअ कि तै निं मानत मनणी ई आथी।

मैन्थ करनै आल़ै का खाणां लै थोल़अ ई होए, पर तिंयां सुत्ता राची राम्बल़ी निंजा। पर सेठ मणछा हआ इहअ फिकर पल़अ द कि तिन्‍नां निं राची नींज एछदी।

ज़िहै हाम्हैं आपणीं माए ओदरा का एऊ संसारै नांगै पैईदा हुऐ, तिहै ई डेऊणैं हाम्हैं एऊ संसारा छ़ाडी रित्तै। नां हाम्हैं आपणीं सारी ज़िन्दगीए मैन्था का आप्पू संघै किज़ै निंईं सकदै!