Popular Bible Verses from ज्ञैन 4

Share

कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी। ज़ै तिन्‍नां मांझ़ै एक ज़ण्हअ धरनीं पल़े, दुजअ सका तेऊ खल़अ झ़ैऊई। पर ज़ै कुंण कल्ही ज़ण्हअ धरनीं पल़े, तेऊ लै हणीं आफ़त अर तेऊए मज़त कुंणी लाई करी?

एकी ज़ण्हैं सका कुंण च़िक्‍की-मारी बी, पर दूई ज़ण्हैं सका तेऊओ मकाबलअ करी। चिई लुल़ी करै पल़ैई दी राश्शी निं तेही झ़ट च़ारै चुटदी।

ठांढै-शेल़ै सका दूई ज़ण्हैं कठा सुत्ती नैत्तै-तात्तै रही, पर कल्ही ज़ण्हअ किहअ करै च़ाल्‍लअ नैत्तै रही?

तैही बोला हुंह शांती दी हआ मुठी भितरी ढब्बै बी दुही हाथै कामां दी बल़ैघुई रहणैं का बधिया, ज़ेथ बागरी ढाकणैं ज़ेही मैन्थ लागा करनी।

तेखअ भाल़अ मंऐं इहअ कि लोग करा साथी-संघीए मांणै आप्पू सफल हणां लै खास्सी मैन्थ! अह गल्‍ल बी ज़ाण्हुंई मुखा बृथा ई, ज़िहअ बागरी पिछ़ू पल़णअ बृथा हआ।

हई सका कि कुंण खास्सअ गरीब अर अज़ी खारकअ ई होए, पर ज़ै तेऊ अक्ल होए, सह आसा तेऊ ऐडै प्रोढै राज़ै का खास्सअ राम्बल़अ ज़ुंण होरीए सलाह निं मंदअ!