Popular Bible Verses from ज्ञैन 1

Share

किल्हैकि खास्सअ ज्ञैन बी दैआ दुख, अर खास्सी अक्ल बी बढेरा फिकर ई।

ज़ुंण हई आसा गअ द, सह हणअ आजू भिई। ज़ुंण काम करी आसा हेरअ द, सह ई करनअ भिई! सारै संसारै निं नऊंअ किछ़ बी आथी।”

सोभी गल्‍ला करै फिरा रुंज़ू, ईंयां गल्‍ला केही लाई खोज़ी! नां भाल़ी-भाल़ी आछी रज़दी, अर नां गल्‍ला शूणीं-शूणीं कान भर्हदै!

“सोभ गल्‍ला आसा बृथा! ज़िन्दगी ई आसा बृथा ई बृथा! ज़ाथी आसा सोभै गल्‍ला बृथा। सारी ज़िन्दगी संसारै एतरी मैन्थ करी, मणछा किज़ै पुआज़अ भेटा?

हुंह लागअ तिन्‍नां सोभी कामां भाल़अ ज़ुंण संसारै हआ, तै भाल़अ मंऐं कि ईंयां सोभै काम आसा बृथा, ज़िहअ बागरी पिछ़ू पल़णअ बृथा हआ।

एक पोस्ती मुक्‍का अर दुजी पोस्ती एछा, पर संसार रहा सदा ज़िहअ कै तिहअ ई!

पराणैं ज़मानैं हुई-बिति दी गल्‍ला निं कोहै आद डाहंदअ, ज़ुंण गल्‍ला आझ़काला आसा लागी दी हंदी, तिंयां बी निं लाई कोही आद डाही!

तेखअ लागअ हुंह ऐहा गल्‍ला लोल़अ कि ज्ञैन अर ऐडी गल्‍ला, अक्ल अर कबुधी दी किज़ै फरक आसा। ज़िहअ बागरी पिछ़ू पल़णअ बृथा हआ, तेही आसा अह गल्‍ल बी बृथा!