Popular Bible Verses from पजन 18

Share

प्रभु मेरी रक्षा करने वाल़ा ए; से माखे मजबूत किले जेड़ा ए। मेरा परमेशर मेरी सुरक्षा करोआ, ओर आऊँ तेस साथे सुरक्षित आ। से माखे ढाल बणी की बचाओआ; से माखे बचाओआ ओर माखे सुरक्षित राखोआ।

सब कुछ जो यहोवा मेरा परमेशर करोआ से सई ए। आसे तेस पाँदे परोसा करी सकूँए कि जो से वादा करोआ तेस पूरा करोआ। से आपणे शरणा रे आऊणे वाल़ेया खे ढाला रे जेड़ा तिना री रक्षा करोआ।

मां प्रभुए खे जो स्तुतिया जोगा ए आका पाणिया; ओर ईंयाँ आऊँ मेरे दुश्मणा ते बचाया जाणा।

मुसीबता रे बखते मैं प्रभु परमेशरो खे आका पाईया; मैं आपणा परमेशर पुकारेया ओर तिने आपणे रणे रिया जगा ते मेरिया गल्ला सुणिया ओर तिने मेरिया पुकारा पाँदे त्यान दित्तेया।

यहोवा तूँ मेरिया बाटा दे प्रयासा करेया ताकि आऊँ देखी सकूँ, पर जेबे तूँ प्रयासा बणाएया तेबे कोई न्हेरा नि रंदा।

ये सेई परमेशर ए जो सामर्था साथे माखे परा पूरा करोआ ओर मेरी बाटा खे सिद्ध करोआ।

प्रभु परमेशर जिऊँदा ए; ओर चट्टानी जेड़ा मजबूत ए; ओर मेरा उद्धार करने वाल़े परमेशरो री स्तुति ओ।