Popular Bible Verses from नसीअता 29

Share

माणूंए रा डर मानणा फन्दा ऊई जाओआ, पर जो यहोवे पाँदे परोसा राखोआ, तेस लोका बीचे आदर पाणा।

जेते देशो दे लोक परमेशरो रा बिधान नि मानदे, सेयो लोक बर्बाद ऊई जाओए। पर जो बिधानो खे मानोए तिना खे से आशीष देओआ।

मूर्ख माणूं गुस्से दे सारे मनो री गल्ल खोली देओआ, पर अक्लमंद माणूं आपणे मनो खे रोकोआ ओर शान्त रओआ।

जेस बच्चे रे माये-बाओ तेसखे डण्डे री बाओए ओर चिड़को ए से ज्ञानी बणी जाओआ, पर जेस बच्चे खे ईंयाँ ई छाडी देओए, से आपणी माया खे शर्मा री बजा बणोआ।

आपणे बच्चेया खे सुदार, तेबे तुँ तिना पाँदे कमण्ड करी सकेया, तेबे तिना रिया बजा ते तुँ कदी बी शर्मिंदा नि ऊणा।

जो माणूं पईले कमण्ड करोआ तेसखे बादो ते नीचा ई देखणा पड़ोआ, पर नम्र सबाओ वाल़े माणूंए रा सब आदर करोए।

जो माणूं जादा गुस्सा करने वाल़ा ओआ, से लड़ाई-चगड़ा करोआ ओर पापी ओआ।

क्या तूँ गल्ला करने रे जल्दबाजी करने वाल़े माणूंए खे जाणेया? तेसते जादा तो मूर्खो ते ई उम्मीद ए।