Popular Bible Verses from नसीअता 28

Share

जो माणूं आपणे पाप लकोआ, तेसरा काम सफल नि ऊँदा, पर जो तिना खे मानी लओआ ओर छाडी बी देओआ, तेस पाँदे दया करी जाणी।

मूर्ख माणूं सिर्फ आपू पाँदे ई परोसा राखोआ; ओर जो अक्लमंदिया साथे चलोआ, से आपणे प्राण बचाओआ।

दुष्ट लोक जेबे कोई पीछा नि करदा तेबे बी नठदे ई रओए, पर तर्मी लोक जवान शेरो जेड़े बिना डरे रओए।

जो माणूं लगातार यहोवे रा डर मानदा रओआ, से तअन्य ए; पर जो माणूं आपणा मन काठा करी लओआ, से मुसीबता रे पड़ोआ।

जो माणूं गरीबा खे दान देओआ, तेसखे केसी बी चीजा री कमी नि ऊँदी, पर जो गरीब माणूंए खे देखी की आपणी नजर फेरी लओआ, तेसखे स्रापो पाँदे स्राप मिलोए।

जो कोई माणूं केसी दूजे माणूंए खे तेसरिया गल़तिया रिया बजा ते तेसखे बकोआ, से अन्तो रे चापलूसी करने वाल़े ते जादा प्यारा ऊई जाओआ।