Popular Bible Verses from नसीअता 23

Share

तर्मी पाऊए रे माये-बाओ बऊत खुश रओए; सेओ आपणे अक्लमंद पाऊए पाँदे कमण्ड करी सकोए।

अमीर ऊणे खे जादा मईणत नि करनी, आपणी समजा रा परोसा छाडणा।

जे तू एड़ा करेगा तो बादो ते ताखे खुशी मिलणी, ओर परमेशरो तेरी सारिया इच्छा पुरिया करनिया।

तूँ पापिया रे बारे मनो रे ईर्ष्या नि करना, पूरा दिन यहोवे रा डर मानदे रणा।

बच्चेया खे सुदारने रिया तँईं तिना खे थिड़कदे रणा, कऊँकि जे तूँ तेसखे डण्डे साथे बाएगा तो से नि मरना बल्कि तां से बुराईया ते बचाणा।

आपणे सखाणे वाल़े रिया शिक्षा पाँदे त्यान दे, ओर तेसरिया सिखाईया दिया बुद्धिया रिया गल्ला खे सिखणे री कोशिश कर।

कऊँकि तेरा कमाया दा तन तांते एकी पला दे चली जाणा, से तांगा गे ते अचाणक ईंयाँ चली जाणा जिंयाँ कोई उकाब पंछी पंख फलाई की ऊबे सर्गो रिया तरफा खे उडी जाओआ।

आपणे बाओ री गल्ल मानणी, ओर जेबे तेरी माये स्याणी ऊई जाओ, तेबे बी से नक्कमी नि जाणनी।