Popular Bible Verses from नसीअता 22

Share

बाल़का खे सखाओ कि तिना किंयाँ जिऊणा चाईयो, ओर सेओ इजी खे आपणियां पुरिया जिन्दगिया दे याद राखणा।

नरम सबाओ रा ऊणा ओर यहोवे रा आदर करने रा ईनाम पैसा, महिमा ओर लाम्बी उम्र ओई।

बऊत अमीर ऊणे ते खरा नाओं जादा चाह्णे जोगा ए, ओर सूईने चाँदिए ते जादा ओरी री इज्जत ए।

तैं गुस्सा करने वाल़े माणूंए साथे दोस्ती नि करनी, ओर ना चट गुस्सा करने वाल़े साथे जाणा

दया करने वाल़े माणूंए पाँदे यहोवे री आशीष रओई, कऊँकि से आपणियां रोटिया बीचा ते गरीबा खे देओआ।

चलाक माणूं मुसीबता खे आऊँदा ऊआ देखी की एते ते बचणे री कोशिश करोए; पर शरीफ लोक आगे बढ़ी की मुसीबता दे पड़ी की सजा पुगतोए।

अमीर माणूं गरीबा पाँदे राज करोआ, ओर त्वार लणे वाल़ा, त्वार देणे वाल़े रा दास ओआ।

अमीर ओर गरीब दोनो एकी-दूजे जेड़े ए यहोवा तिना दुँईं खे बनाणे वाल़ा ए।

केसी माणूंए खे गरीब देखी कि तेस पाँदे अन्देर नि करना, जेसरी मताद करने वाल़ा कोई नि ए से अदाल़ती दे नि पीसणा। कऊँकि यहोवे तिना रा मुकद्दमा आपू लड़ना, ओर तेस तिना रे प्राण बी तेस छुड़ाई लणे जो तिना रा पैसा लूटी लओए।