Popular Bible Verses from नसीअता 20

Share

ईंयाँ नि बोल, “मां बुराईया रा बदला लणा,” बल्कि यहोवे पाँदे परोसा राख, तेस तूँ छुड़ाणा।

कुछ ऊणे ते पईले कोई बी माणूं जाणी नि सकदा कि क्या ऊणे वाल़ा ए? क्ऊँकि माणूंए री बाट यहोवे रिया तरफा तेई ठईराई जाओई।

माणूंए री आत्मा यहोवे रा दिऊआ ए, तीजी ते से मनो रिया सबी गल्ला खे टोल़ोआ।

माणूंए रे मनो रे बऊत योजना तो ओईया, तेबे बी समजदार माणूं तिजी खे निकयाल़ी देओआ।

जो चुगली करदा फिरोआ से पेत बताई देओआ, इजी री खातर बकवास करने वाल़े साथे मेल जोल नि राखणा चाईयो।

लड़ाई-चगड़े ते पीछे आटणा, मर्दो री महिमा ठईरोई; पर सारे मूर्ख लोक लड़ने खे त्यार रओए।

तर्मी जो खराईया ते चलदा रओआ, तेसते बाद तेसरे बाल-बच्चे भाग्यशाली ओए।