Popular Bible Verses from नसीअता 19

Share

माणूंए रे मनो रे बऊत सारिया इच्छा ओईया, पर जो योजना यहोवा करोआ, सेई बणी दी रओई।

जो माणूं गरीबो पाँदे दया करोआ, से यहोवे खे त्वार देओआ, ओर तेस आपणे एस कामो रा प्रतिफल पाणा।

जो माणूं बुद्धिया ते काम करोआ, से देरा ते गुस्सा करोआ, ओर दूजेया रे पापो खे पूलणा तेसखे शोभा देओआ।

जे तुसे सलाई खे सुणोगे ओर सीखणे खे त्यार ए, तो पक्का एक दिन तुसे समजदार ऊई जाणे।

यहोवे रा आदर करने ते उम्र बढ़ोई, ओर तेसरा आदर करने वाल़ा ठकाणा पाई की सुखी रओआ; तेस पाँदे मुसीबत नि आऊँदी।

जेसखे बुद्धि मिलोई, से मानो आपणे प्राणो खे प्यार करने वाल़ा ओआ, ओर समजा वाल़े माणूंए रा हमेशा कल्याण ओआ।

जदुए तक ताखे उम्मीद ए, तदुए तक आपणे पाऊए खे बक, तेसखे ना बकणे रा मतलब तेसखे जानी ते मारने जेड़ा ए।

चूठा गवाह् पक्का सजा पाओआ, ओर जो चूठ बोलोआ, से नाश ओआ।