Popular Bible Verses from गिणती 21

Share

यहोवे मूसे खे बोलेया, “एक तेज जईरो वाल़े सापो री मूर्ति बणवाई की खम्बे पाँदे लटका; तेबे जो सापो रा डसेया रा तिजी खे देखो से जिऊँदा ऊई जाणा।”

तो मूसे एक पीतल़ी रे सापो री मूर्ति बणवाई की खम्बे पाँदे लटकाया; तेबे सापो रे डसेया रे बीचा ते जिने-जिने से पीतल़ी रा साप देखेया से जिऊँदा बची गा।

तेबे सेयो परमेशरो रे खलाफ गल्ला करने लगे, ओर मूसे खे बोलेया, “तुसे लोक आसा खे मिस्रो ते सुनसाण जगा रे मरने खे कऊँ लई आये? ओर एती ना रोटी ए ओर ना ई एती पाणी ए ओर आसा रे प्राण एसा नक्कमी रोटिया खाई की ऊबी गे रे।”

तेबे यहोवे तिना लोका बीचे तेज जईरो वाल़े साप पेजे ओर सेयो तिना खे डसणे लगे ओर बऊत इस्राएली लोक मरीगे।

तेबे लोक मूसे गे जाई कि रोंदे ऊए बोलणे लगे, “आसे पाप करी राखेया कि आसे यहोवे रे ओर तेरे खलाफ गल्ला करी राखिया; यहोवे ते प्रार्थना कर कि से इना सापा खे आसा बीचा ते दूर करो।” तेबे मूसे तिना रिया तँईं प्रार्थना कित्ती।