Popular Bible Verses from गिणती 14

Share

बस तुसे इतणा करो कि तुसे यहोवे रे खलाफ तोखा नि करो ओर ना ई तेते देशो रे लोका ते डरो, कऊँकि आसे तिना खे खत्म करी सकूँए; ईंयाँ तो परमेशरो री छाया तिना पाँदा ते अटी गी री ओर यहोवा आसा साथे ए; तुसे तिना ते नि डरो।”

कि यहोवा गुस्सा करने रे देर करोआ ओर बऊत ई जादा दयालु ए ओर पाप ओर पापो खे बी माफ करने वाल़ा ए, फेर बी से दोषी माणूंआ खे किंयाँ बी निर्दोष नि ठरांदा ओर पूर्वजा रे पापो री सजा तिना रे पाऊआ, पोतेया ओर पड़पोतेया खे देओआ।

जे यहोवा आसा ते खुश ओ तो आसा खे तेते देशो रे लई चलो, जो देश सच्चो खेई बऊत ई पजणे वाल़ा ओ ओर फेर आसा खे तेस देशो खे देई देओ।

पर इजी री बजअ ते कि मेरे दास कालेबो साथे ओर ई आत्मा ए ओर तिने पुरिया तरअ ते मेरा कईणा मानी राखेया, इजी खे मां से तेस देशो रे जिदे से रई की आई रा पऊँचाणा ओर तेसरा वंश तेस देशो रा अक्कदार ऊणा।

इजी खे तिना खे बोल कि यहोवा ये बोलोआ कि मेरी जिन्दगिया री कसम जो गल्ला मैं तुसा रिया सुणी राखिया, जरूर मां तिजी रेई मुताबिक तुसा साथे बर्ताव करना।

तेबे यहोवे मूसे खे बोलेया, “इना लोका कदुओ तक मेरा नरादर करदे रणा? ओर इना मेरे सब अचम्बे रे काम देखदे ऊए बी कदुओ तक मां पाँदे विश्वास नि करना?

ओर सारे इस्राएली लोक मूसा ओर हारूणो रे खलाफ बोलणे लगे ओर सारे मर्द तिना खे बोलणे लगे, “पला ऊँदा कि आसे मिस्रो रेई या एते सुनसाण जगा रेई मरी जांदे!

ओर नूनो रे पाऊ यहोशूए ओर यपुन्ने रे पाऊ कालेबे, जो देशो रा पेत लणे वाल़ेया बीचा ते थे, दु:खो रे मारे आपणे-आपणे टाल्ले फाड़े, ओर सेयो इस्राएलिया री सारी मण्डल़िया खे बोलणे लगे, “जेते देशो रा पेत लणे खे आसे ओरे-पोरे कूमी की आई रे, से बऊत ई खरा देश ए।

पर मेरे जीवनो री कसम सच्ची ई सारी तरती यहोवे री महिमा ते परी जाणी; तिने सबी लोके जिने मेरी महिमा मिस्र देशो रे ओर सुनसाण जगा रे देखी, फेर बी मेरे कित्ते रे अचम्बे रे काम देखी की बी 10 बार मेरी परीक्षा कित्ती ओर मेरिया गल्ला नि मानिया, इजी खे जेते देशो रे बारे दे मैं तिना रे पूर्वजा ते कसम खाई थी, तिजी रे बावजूद जितणेया मेरी बेज्जती कित्ती तिना बीचा ते कोई बी तिजी खे देखी नि सकणा।