Popular Bible Verses from गिणती 13

Share

पर कालेबे मूसे रे सामणे प्रजा रे लोका खे चुप कराणे रिया तँईं बोलेया, “आसे एबु तिना पाँदे अमला करी की तेस देशो खे आपणे अक्को रे करी लईए; कऊँकि आसा रे एड़ा करने री तागत ए।”

फेर आसे तेती नपीली लोक बी देखे; नपीली जातिया रे लोक अनाकवंशी लोका बीचा ते पैदा ऊई रे ओर आसे आपणी नजरा रे तिना सामणे तो कीड़े जेड़े दिशो थे ओर एड़े ई तिना री नजरा रे बी आसे दिशणे लगी रे थे।”

पर जो ओर लोक तेस साथे गए थे तिने बोलेया, “आसे तिना लोका पाँदे अमला नि करी सकदे; कऊँकि सेयो आसा ते जादा तागतबर ए।”

ओर ईंयाँ तिने इस्राएलिया रे सामणे तेते देशो रा जेतेरा पेत तिने लया था ये बोली की चूठा ब्योरा बी दित्तेया, “से देश जेतेरा पेत लणे आसे गए थे एड़ा ए, जो आपणे लोका खे खाई जाओए ओर जितणे लोक आसे तेते देशो रे देखे सेयो सब देखणे रे बऊत ई बड़े-बड़े ए।

तिने मूसे खे ये बोली की तेते जगा रे बारे दे बताया, “जेते देशो रे तुसे आसे पेजे थे तिदे आसे गए; से देश तो सच्चो खेई बऊत ई पजणे वाल़ा ए ओर तिजी री फसला बीचा ते येई ए।

पर तेते देशो रे रणे वाल़े तागतबर ए ओर तिना रे शईर बऊत बड़े ए ओर गढ़ो वाल़े ए ओर आसे तेती अनाकवंशी बी देखे।

दक्खण देशो रे तो अमालेकी लोक बसी रे ओर उतरी पाह्ड़ी देशो रे हित्ती, यबूसी ओर एमोरी लोक रओए ओर समुद्रो रे कनारे-कनारे ओर यरदन नदिया रे कनारे पाँदे कनानी लोक बसी रे।”

सेयो पारान सुनसाण जगा रे कादेश नाओं रे देशो रे मूसा ओर हारूण ओर इस्राएलिया री सारी मण्डल़िया गे पऊँचे ओर तेती तिना खे ओर सारी मण्डल़िया खे तेते देशो रे फल़ दखाए ओर तेते देशो रे बारे दे बताया।