Popular Bible Verses from यशायाह 60

Share

ओ यरूशलेम शईरो रे लोको, उठो, सामर्था साथे परी जाओ; ओर यहोवे रा वैभव तुसा पाँदे उदय ऊई रा।

तेस बखते सारे देशो रिया जातिया-जातिया रे लोक ओर राजा तुसा पाँदे ऊए रे नवें दिनो री शुरूआत देखणे आऊणे।

देखो आज तरतिया पाँदे तो न्हेरा ओर राज्य-राज्य रे लोका पाँदे अन्दकूप न्हेरा छायी रा; पर तुसा पाँदे यहोवे रा प्रकाश ऊणा ओर तेसरे उपस्थित ऊणे री चमक तुसा पाँदे प्रगट ऊणी।

छोटे ते छोटा 1,000 ऊई जाणा ओर सबी ते कमजोर एक सामर्थी जाति बणी जाणा। आऊँ यहोवा ए; जेबे ठीक बखत आऊणा, तेबे ये फटाफट पूरा करना।

तेबे दिने तुसा खे सूरजो प्रयासा नि देणा ओर ना राती चाँदो चाँदणी देणी, पर यहोवे तुसा खे सदा रा प्रयासा ओर तुसा रा परमेशर तुसा री शोभा ठईरना।

तुसा रा सूरज फेर कदी नि डूबणा ओर ना तुसा रे चाँदो री चाँदणी काल़ी ऊणी; कऊँकि यहोवा तुसा री सदा री जोति ऊणी ओर तुसा रे दु:खो रे दिन खत्म ऊई जाणे।

तेबे तुसा ये देखणा ओर तुसा रा मूँ चमकणा, तुसा रा मन डरी जाणा ओर खुशिया साथे परी जाणा; कऊँकि समुद्रो रा सारा तअन ओर जातिया-जातिया री सारी सम्पत्ति तुसा खे मिलणी।

आपणे चऊँ कनारे देख कि क्या ऊणे लगी रा; तेरे चऊँ कनारे सेयो सारे के सारे कट्ठे ऊई की तांगे आऊणे लगी रे; तेरे पाऊ दूरा ते आऊणे लगी रे ओर तेरी बेटिया आथो-आथ पऊँचाईया जाणे लगी रिया।

तुसा रे सारे के सारे लोक तर्मी ऊणे; सेयो सदा देशो रे अधिकारी रणे। सेयो मेरे लगाए रे पौधे ओर मेरे आथो रा काम ठईरने, जेते कि मेरी महिमा प्रगट ओ।

तुसा रे देशो रे फेर कदी उपद्रव ओर तुसा रे बन्ने रे पीतरे उत्पाद या अन्देरो री चर्चा नि सुणनी; पर तुसा आपणी दवाला रा नाओं उद्धार ओर आपणे शईरो रे बड़े द्वारा रा नाओं यश राखणा।

तुसा रे शईरो रे बड़े द्वार सदा खुले दे रणे; सेयो रात-दिन कदी बी बन्द नि करे जाणे जेते कि जातिया-जातिया री तअन-सम्पत्ति ओर तिना रे राजा बन्दी ऊई की तुसा गे पऊँचाए जाओ।

तेरे देशो रे ऊँटा रे चूण्ड ओर मिद्यान ओर एपा देशो रिया साँड़णिया कट्ठिया ऊणिया; शेबा जगा रे सारे लोका आई की सूईना ओर लोबान पेंट ल्याऊणी ओर लोका यहोवे री महिमा खुशिया साथे सुनाणी।

यहोवा यरूशलेमो रे लोका खे बोलोआ, “परदेशी लोका तुसा री दवाल चकणी ओर तिना रे राजेया तुसा री सेवा टईल करनी; कऊँकि मैं गुस्से दे आई की तुसा खे दु:ख दित्तेया था, पर एबे तुसा ते खुश ऊई की तुसा पाँदे दया करी राखी।

तुसे जो बेज्जत कित्ते ओर घृणित ठईरे, एथो तक कि कोई बी तुसा रे शईरो रे ऊई की नि जाओ था, इजी रे बदले मां तुसे सदा रे कमण्ड ओर पीढ़िया-पीढ़िया री खुशिया री बजा ठराणे।

देशा ओर राजेया तेरी देखपाल़ करनी, ता राजेया रिया छातिया चुशणीया ओर तुसा खे पता लगी जाणा कि आऊँ यहोवा तुसा रा उद्धार करने वाल़ा ओर तेरा छुड़ाणे वाल़ा, याकूबो रा सर्वशक्‍तिमान परमेशर ए।