Popular Bible Verses from निर्गमन 2

Share

परमेशरे तिना रा जोरो रा रोणा सुणी की आपणी वाचा, जो तिने अब्राहम, इसहाक ओर याकूबो साथे बानी थी, याद कित्ती। ओर परमेशरे इस्राएलिया खे देखी की तिना री सम्माल़ लई।

बऊत साला ते बाद मिस्रो रा राजा मरीगा ओर इस्राएली कठण सेवा रिया बजअ ते लाम्बा-लाम्बा साआ लई की आखी परने लगे ओर आका पाणे लगे; तिना री दुहाई जो कठण सेवा रिया बजअ ते ऊई, परमेशरो तक पऊँची।

जेबे बाल़क थोड़ा बड़ा ऊईगा, तेबे से तेसखे फिरौनो री बेटिया गे लईगी ओर से तेसा रा पाऊ ठईरेया ओर तेसे ये बोली की तेसरा नाओं मूसा राखेया कि मैं ये पाणिए ते निकयाल़ेया था।

फिरौनो री बेटिये तेसा खे बोलेया, “तूँ एस बाल़को खे लई जाई की मेरिया तँईं दूद पल्याया कर ओर मां ताखे त्याड़ी देणी।” तेबे से जवाणस बाल़को खे लई जायी की दूद पल्याणे लगी।

तेबे फिरौनो री बेटी नाह्णे खे नदिया रे कनारे आयी, तेसा रिया दासिया नील नदिया रे कनारे कूमणे लगिया; तेबे तेसे जाड़ो बीचे टोकरी देखी की आपणी दासिया खे तिजी खे ल्याऊणे खे बोलेया।

तिना दिना रे एड़ा ऊआ कि जेबे मूसा जवान ऊआ ओर बारे जाई की आपणे पाई बंदुआ गे जाई की तिना रे दु:खो पाँदे त्यान करने लगेया; तेबे तिने देखेया कि कोई मिस्री माणूं मेरे एक इब्री पाईए खे कुटणे लगी रा। जेबे तिने चऊँ कनारे देखेया की कोई निए, तेबे तिने से मिस्री कायी ता ओर से बालूए रे लकोईता।