Popular Bible Verses from निर्गमन 16

Share

ओर इस्राएली तिना खे बोलणे लगे, “जेबे आसे मिस्र देशो रे मासो री आँडिया गे बैठी की मनमाना खाणा खाऊँ थे, तेबे जे आसे यहोवे रे आथो ते मारे बी जांदे, तो खरा सेई था, पर तुसे आसे एती सुनसाण जगा रे पूखा मारने खे ल्याई राखे।” तेबे यहोवे मूसे खे बोलेया, “देखो, मां सर्गो ते तुसा खे खाणे री चीज बरसाणी ओर इना लोका हर रोज बारे जाई की हर एक दिनो खे जरूरता रे मुताबिक खाणे खे कट्ठा करना, ईंयाँ मां तिना री परीक्षा करनी कि यो मेरे बिदिया पाँदे चलणे कि नई।

सुनसाण जगा रे इस्राएलिया री सारी मण्डल़ी मूसा ओर हारूणो रे खलाफ बकबक करने लगी।

फेर मूसे बोलेया, “ये तेबे ऊणा जेबे साँजा यहोवे तुसा खे खाणे खे मास ओर प्यागा मनमानी रोटी देणी; कऊँकि तुसे जो तेसरे खलाफ बड़बड़ाओए, से तिने सुणी ला रा ओर आसे कुण ए? तुसा रा बड़बड़ाणा आसा रे खलाफ नि पर यहोवे रेई खलाफ ए।”

“इस्राएली लोका रा बड़बड़ाणा मैं सुणी राखेया; इजी खे तूँ तिना खे बोली दे कि सूरज डूबणे रे बखते तुसा मास खाणा ओर प्यागा खे तुसे रोटिया साथे रज्जाए जाणे ओर तुसा खे पता लगी जाणा कि आऊँ तुसा रा परमेशर यहोवा ए।”