Popular Bible Verses from Ciyubunuzyo 9

Share

Lino kwakasyaala bantu bamwi aabo batakajaigwa amapenzi aaya, nikuba boobo taakwe nibakeempa kuti basiye zeezyo nzibakalipangila. Tiibakaleka kukomba myuuya mibi, zibumbwa zyangolida, zyansiliva, zyamukuba, zyamabwe, zyazisamu, zitaboni, aziteendi naa kumvwa. Alimwi taakwe nibakaleka bujayi, bulozi, bumambe, abubbi bwabo.

Lino kuzwa mubusi oobo kwakazwa cikwikwi cakaza ansi. Calo cakapegwa nguzu zyeelene azyatubanze. Cakaambilwa kuti citanyonyooni bwizu noziba zisamu nikaba kasyango kali buti, pele kuti cipenzye buyo bantu aabo batagantidwe acidinto ca Leza ankumo zyabo.

Mungelo wasanu wakasiba mweembo wakwe. Eelyo ndakabona nyenyezi iilya yakawida ansi kiipegwa kkii wamulindi uutagoli.

Tiicakazumizigwa kubajaya pe, pele cakazumizigwa buyo kubapenzya kwamyezi yosanwe. Kucisa kwakupenzya kwaco kwakali mbuli kwamuntu naalumwa kabanze.

Cilijisi mwami uucilela, walo ooyu uuli ngomungelo uulanga mulindi uutagoli. Zina lyakwe mu Cihibulu ngu Abbadoni, mu Cigiliki ngu Apoliyoni, (nkokwaamba kuti, “Sikunyonyoona”).