Popular Bible Verses from Ciyubunuzyo 22

Share

Ndime Alufa a Omega, mutaanzi amusyaalizi, matalikilo amananino.”

Jesu ulati, “Amubone! Ndafwambaana kuboola, ndaboola ndaletelela abulumbu bwangu bwakulumbula muntu omwe-omwe kweendelana anzyaakacita.

Muuya Uusalala anabwiinga balati, “Boola!” Ayooyo uumvwa makani aaya aambe kuti, “Boola!” Kufumbwa ooyo uufwide nyota aboole apegwa cabuyo maanzi aapa buumi.

Balilelekedwe aabo basanzya majansi aabo, kuti bazumizigwe kulya micelo yamusamu uupa buumi akunjila mumilyango yamunzi.

Jesu ulati, “Amubone, ndafwambaana kuboola! Ulilelekedwe ooyo uuswiilila majwi aabusinsimi aali mubbuku eeli!”

Takuciyoobi limbi masiku pe. Bantu tabakayandi limbi mumuni walambe nouba wazuba, nkaambo Leza lwakwe mwini uyooba ngomumuni wabo, nkabela balo bayoolela oomo mane kukabe kutamani.

Ooyo uulungulula makani aaya ulati, “Iiyi, ncobeni mbokubede! Ndafwambaana kuboola.” Akube boobo! Koboola ncobeni, Mwami Jesu! Mwami Jesu amubede aaluse nyoonse. Akube boobo.

Mebo nde Joni, njanda kucenjezya muntu umwi aumwi uuswiilila majwi aabusinsimi bwamubbuku eeli kuti, kufumbwa muntu uuyungizya cintu kumakani aaya, Leza uyoomuyungizizya mapenzi aalembedwe mubbuku eeli. Awalo ooyo uugwisya cintu kumajwi aabbuku lyabusinsimi eeli, Leza uyoogwisya caabilo cakwe kumusamu uupa buumi, amumunzi uusalala, zyalo zili zilembedwe mubbuku eeli.