Popular Bible Verses from Intembauzyo 103

Share

Omoyo wangu, kotembaula Mwami Leza, utalubi bulumbu boonse mbwapa.

Ulalekelela zinyonyoono zyangu zyoonse, ulandiponya kumalwazi aangu oonse. Nguundivuna kuzwa kwacivumwe, nguundisamika musini, musini waluyando lutazungaani alweetelelo. Nguundipa zintu zibotu nzyesukamina, nguundibukulusya akundipa nguzu mbuli sikwaze.

Omoyo wangu kotembaula Mwami Leza, zyoonse zizo zyangu azitembaule zina lyakwe lisalala.

Mbuli wisi mbweetelela bana bakwe bamulemeka, mbubonya oobo Mwami mbweetelela baabo bamuyoowa.

Mbuli kujwe mbokuli kulaale kuzwa kumbo, mbombuboobu mbwaakasowa zinyonyoono zyesu.

Mwami Leza ngusilweetelelo, ngusiluse, ngusiluyando lutazungaani, lunji.

Tatupi cisubulo mbuli ceelede zinyonyoono zyesu, tatutundululi mbuli bweelede zibi zyesu pe. Mbuli julu mbolili kule kuzwa ansi, mbolusika luyando lwakwe oobo kuli baabo bamulemeka.

Mwami wakabikka cuuno cakwe cabwami mujulu, nguulela koonse-koonse.