Popular Bible Verses from Tusimpi 2

Share

Mwami Leza nguupa busongo, mulinguwe momuzwa luzibo akumvwisya.

Mwanaangu, naa waswiilila majwi aangu, ulabamba malailile aangu mumoyo wako. Uteye kutwi kwako kubusongo alimwi ubikke moyo wako kukumvwisya zintu. Woongolwede maanu, ulilile kumvwisya zintu, uziyandaule mbuli nsiliva, uzilangaule mbuli lubono lusisidwe, ndendilyo noyoomvwisya ncocaamba kulemeka Mwami Leza. Uyoojana kuti kuziba Leza ncibotu buti.

Ulayobweda baluleme busongo bwini-bwini, nentobo yabaabo batapilingene. Nkaambo ulabamba micito yabaluleme akukwabilila nzila yabasalali bakwe.

Baluleme bayookkala munyika, batakwe kampenda bayoosyaala mulinjiyo, pele basizibi bayoonyonyoonwa munyika, batasyomeki bayoogwisigwa.

Alimwi busongo buyookuvuna kuzwa kumukaintu simamambe, kuzwa kumukaintu uutaluleme waamba majwi aaongelezya, ooyo wakasiya mulumi wakwe wabukubusi bwakwe, wakavoolozya cizuminano eeco ncaakapanga kumbele lya Leza wakwe.