Pele basikale besu bakalisumpula baba basicinguni,
bakakaka kuswiilila malailile aako.
Bakakaka kukuswiilila,
bakaluba zyoonse nzyookabacitila,
bakaaluba maleele ngookacita.
Mukulisumpula kwabo bakalisalila musololi,
musololi wakubabweedezya mubuzike Kuijipiti.
Pele yebo uli Leza uulekelela,
ulisiluse siluyando, uutafwambaani kunyema.
Lweengelelo lwako ndupati,
nkaako tookabafutatila pe.