Popular Bible Verses from Josyuwa 10

Share

Zuba lyakaima ncobeni, awalo mwezi mbubonya, mane kusikila bantu nibakazunda basinkondonyina, mbubonya mbuli mbokulembedwe mubbuku lya Jasyaa. Izuba lyakaima acilungu-lungu, lyakaima kwaciindi cilamfu mbuli buzuba boonse.

Buzuba oobo Mwami Leza wakaaba Baamoli ku Baisilayeli, Josyuwa wakakumbila Mwami Leza Baisilayeli boonse kabamvwide wati, “Ozuba, ima atala lya Gibiyoni, ayebo omwezi ima atala aakkuti lya Aaijaloni.”

Kuzwa eelyo niliba sunu taakwe buzuba buli mbuli mbubo. Buzuba oobo Mwami Leza naakaswiilila muntu. Kasimpe Mwami Leza nguwakali kulwanina Baisilayeli!

Mwami Leza wakaambila Josyuwa kuti, “Utabayoowi pe, ndabaaba kale kulinduwe. Taakwe naba omwe uutikuyumine.”

Kumane Josyuwa wakati kubapati baya, “Mutayoowi, nikuba kutyompwa. Amuyume mube basicamba. Nkaambo mbombubo oobu Mwami Leza mbwayoocita kuli basinkondonyoko aabo mbomuyoolwana.”