Popular Bible Verses from Josyuwa 1

Share

Koyeeya kuti ndime ndakulailila! Zyandamana, ube sicamba. Utakankami nikuba kutyompwa, nkaambo Mwami Leza wanu uyooba anduwe kuli koonse nkoyooya.”

Utakaleki kubala bbuku lya Mulawo eeli, weelede kunoolibala sikati amasiku, akubona kuti wabamba zyoonse zilembedwe mulindilyo. Ndendilyo noyoosumpuka akuzwidilila kabotu-kabotu.

Zyandamana, ube sicamba. Weelede kuyootobela cabunkutwe malailile oonse mubelesi wangu Mozesi ngaakakupa. Toelede kuyooasusya pe, ndendilyo noyoozwidilila kuli koonse nkoyooya.

Taakwe naba omwe uyookuzunda mubuumi bwako boonse. Mbubonya mbuli mbwindakali aa Mozesi, ndiyooba ayebo. Taakwe nenjookusiya nikuba kukulekelezya pe.

Zyandamana, ube sicamba, nkaambo nduwe uutisolwede bantu boonse kuti bakatole nyika eeyo njindakakonkezya kuli basikale babo kuti njoobapa.

Mbubonya mbuli mbundakasyomezya Mozesi, ndiyoomupa kufumbwa aawo mpomuyoolyata.

kuti, “Mozesi mubelesi wangu wakafwa. Nkaako lino yebo abantu boonse aaba mulibambilile kuzubuka mulonga wa Jolodani, muye munyika eeyo njendiyoopa ku Baisilayeli.

Lino kunze aalufu lwa Mozesi mubelesi wa Mwami Leza, Mwami Leza wakaambila Josyuwa mwanaa Nuni wakali mugwasyi wa Mozesi

Kuzwa munkanda mane kusikila kuzilundu zyaku Lebanoni akuzwa kumulonga mupati wa Yufuletisi kujatikizya anyika yoonse ya Bahiti mane kulwizi lupati kumbo.

Kufumbwa muntu uususya majwi aako nikuba kutaswiilila nzyootulailila uleelede kujaigwa. Zyandamana, koba buyo sicamba.”

“Kamuya muzivuka mwaambile bantu kuti, ‘Amulibambile bulilu.’ Kwainda buyo mazuba otatwe mulazubuka mulonga wa Jolodani kuti mukatole nyika eeyo Mwami Leza wanu njayoomupa!”