Popular Bible Verses from Babetesi 6

Share

Aawo mungelo ooyo wakalibonya kulinguwe akumwaambila kuti, “Mwami Leza ulaanduwe, yebo o mwaalumi singuzu, sicamba.”

Mpoonya Mwami Leza wakamulailila akumwaambila kuti, “Koya anguzu zyako zyoonse nzyopedwe ukavune Baisilayeli kuzwa ku Bamidiyani, Tee kayi ndime ndakutuma.”

Mwami Leza wakati kulinguwe, “Ede njooba aayebo, uyoobajaya Bamidiyani mbuli kuti wali muntu omwe buyo.”

Gidiyoni wakati kulinguwe, “Simalelo wangu nkoombuzye, kuti naa Mwami Leza kalaandiswe, ino nkaambo nzi mapenzi aaya oonse naatusikila? Ili kuli milimo iigambya eeyo basikale besu njibakatwaambila kuti Mwami Leza wakatugwisya mu Ijipiti? Ino mbuti mbwaatulekelezya akutwaaba ku Bamidiyani.”

Gidiyoni wakaingula kuti, “O simalelo wangu, ani inga ndabavuna buti Baisilayeli kuzwa ku Bamidiyani? Bona ciinga cangu ncecinyina nguzu mumusyobo wa Manase, alimwi mebo ndimuniini mumukwasyi wataata.”

Lino mungelo wa Mwami Leza wakasika akukkala munsi aamubanga uulya ku Ofula. Munzi ooyo wakali wa Jowasyi waciinga ca Abiyeza. Mwanaakwe Gidiyoni wakali kuuma maila mucikandilo cansaansa kayubide Bamidiyani.

Mpawo Gidiyoni wakayaka cipaililo ca Mwami Leza nkukonya ooko, wakacuulika kuti, “Leza Siluumuno.” Asunu nkocicili ku Ofula ncaciinga ca Abiyeza.

Gidiyoni wakati, “Kuti naa wandifwida luzyalo, ndipa citondezyo cakuti ndizibe kuti nduwe Mwami Leza ncobeni.

Pele Mwami Leza wakamwaambila kuti, “Koba aaluumuno! Utayoowi, tokoofwa pe.”

Alimwi Baisilayeli bakabisizya Mwami Leza, nkaako Mwami Leza wakabalekela kuti balelwe a Bamidiyani kwamyaka iili ciloba.