Popular Bible Verses from Izaya 6

Share

Mpawo ndakamvwa jwi lya Mwami Leza kaliti, “Ino nguni ngwentitume? Nguni uutibe mutumwa wesu?” Eelyo mebo ndakati, “Ndime ndituma!”

Nkabela baselafu bakali kuti, “Uusalala, Uusalala, Uusalala! ngo Mwami Leza Singuzuzyoonse, nyika yoonse izwide bulemu bwakwe.”

Mpoonya mebo ndakalila, “Maawe, ndamana sunu! Kayi ndimuntu eentaambi zisalala, ndikkala akati kabantu bataambi zisalala, pele ono ndabona Mwami, Mwami Leza wamakamu Singuzuzyoonse.”

Mumwaka mwami Uziya naakafwa, ndakabona Mwami Leza kakkede acuuno cakwe cabwami, nkabela jansi lyakwe lyabwami lyakazuzya ŋanda ya Leza.

Kkala eelyo wakaligumika kumulomo wangu akwaamba kuti, “Wabona, eeci caguma mulomo wako, mulandu wako wamana, cinyonyoono cako calekelelwa.”

Atala lyakwe kwakali baselafu, omwe-omwe wabo wakajisi mababa aali cisambomwe. Mababa obilo akavumbide busyu bwakwe, amwi obilo akavumbilide zituta zyabo, obilo umwi aumwi ngaakali kuulusya.

Mpoonya umwi wabaselafu aabo wakaulukila kulindime kayumwide akkala lyamulilo ndyaakabweza alumano kuzwa acipaililo.

Mpoonya wakati, Koya ukaambile bantu aaba kuti, “Kumvwa mulamvwa, pele tamumvwisisyi, kubona mulabona, pele tamubonesyi.

Cita maanu aabantu aaba kuti abe mafwiifwi, sinka matwi aabo, cita kuti bafunye meso. Ambweni inga baba nobabona akumvwa akuba aamaanu kuti beempe mbaponye.”