Popular Bible Verses from Bahibulu 1

Share

Walo nguubonya kubala kwabulemu bwa Leza, alimwi ngocinkozya cabube bwa Leza. Nguutabilila zintu zyoonse amajwi aakwe aanguzu. Naakamana kusalazya bantu mukubagwisizya zinyonyoono, wakaakukkala kujulu kubbazu lyalulyo lwa Leza Wabulemu.

Ciindi cakale-kale Leza wakali kwaamba kuli basikale besu ziindi zinji-zinji munzila zyaandene-andene kwiindila mubasinsimi, pele mumazuba aano aamamanino ulaamba kulindiswe kwiindila mu Mwanaakwe. Mulinguwe Leza wakalenga nyika, alimwi ngonguwe ngwaakasala kuti abe mukamwini wazintu zyoonse.

Sena bangelo ba Leza tiili myuuya buyo iimubelekela? Aabo mbatuma kuli baabo bayoojana lufutuko.

Alimwi Leza wakati, “Yebo, O Mwami, nduwe ncobeni wakalenga nyika kumatalikilo. Wakapanga majulu amaanza aako. Nyika amajulu ayooloba, pele yebo unooliwo. Zyoonse ziyookulumpala mbuli zyakusama.