Popular Bible Verses from Mukambausi 3

Share

Zintu zyoonse zilijisi ciindi cazyo, makani oonse alijisi ciindi cawo anyika aano.

Kuli ciindi cakuzyalwa aciindi cakufwa. Ciindi cakusyanga aciindi cakujwa. Ciindi cakujaya aciindi cakusilika. Ciindi cakumwaya aciindi cakuyaka.

Ciindi cakulila aciindi cakuseka. Ciindi cakweema aciindi cakuzyana. Ciindi cakumwayaula mabwe aciindi cakwaabungika. Ciindi cakukumbata aciindi cakulilesya.

Ciindi cakuzapula aciindi cakusuma. Ciindi cakuumuna aciindi cakukanana. Ciindi cakuyanda aciindi cakusulaika. Ciindi cankondo aciindi caluumuno.

Ciindi cakuyandaula aciindi cakuleka buyo. Ciindi cakubamba aciindi cakusowa.

Ndizi kuti zyoonse eezyo Leza nzyacita zilakkalilila lyoonse alyoonse, taakwe cikonzya kuyungizigwa nikuba kugwisigwa kuzwa kuli nzizyo. Leza mwini nguucita oobo, bantu baleelede kumulemeka.

Ndakayeeya mumoyo kuti, “Leza uyoobeteka boonse baluleme ababi, nkaambo ciyoosika ciindi camilimo yoonse, ciindi zintu zyoonse noziyoocitika.”