Popular Bible Verses from Ciibalusyo 8

Share

Pele amuzibe kuti Mwami Leza wanu nguumupa nguzu zyakujana lubono oolu, mbubwaamba cizuminano cakwe eeco ncaakakonkezya kuli basikale banu, mbokubede asunu.

Wakamulekelela anzala, mane wakamupa mana, cilyo nywebo nibaba basikale banu ncibatakalide pe. Wakacita eeci kuti amuzibye kuti muntu taponi acinkwa cilikke pe, pele ulapona amajwi oonse aazwa ku Mwami Leza.

Amuyeeye Mwami Leza wanu mbuli mbwaakamusolweda munkanda kwamyaka iili makumi one, kuti amubombye akumusunka kuti abone naa mwaali kukonzya kubamba milawo yakwe naa pe.

Amucenjele kuti kutabi uuti, ‘Nguzu zyangu amaanza aangu nzizyandiletela lubono loonse oolu.’

“Lino amucenjele kuti mutalubi Mwami Leza wanu. Mutaleki kubamba milawo yakwe, amalailile aakwe alimwi ambeta zyakwe nzemupa sunu.

Amuyeeye kuti mbubonya mbuli mwaalumi mbwalaya mwanaakwe, mbubonya oobo awalo Mwami Leza ulamulaya.

Mwaakulya cakulilekela, mukatembaule Mwami Leza wanu akaambo kanyika mbotu njaamupa.

Nkaako amutobele milawo ya Mwami Leza wanu, mweende, munzila zyakwe akulemeka.

amana, cilyo basikale banu ncibatakalide, kuti amubombye akumusunka kutegwa zintu zyoonse zimweendele kabotu.

Ambweni mwaakulya cakulilekela akuyaka maanda mabotu akulikkalila, ŋombe ambelele zyanu zyaakuvula, ngolida ansiliva alubono lwanu luli loonse lwaakuvula, inga mwaakulisumpula akuluba Mwami Leza wanu wakamugwisya mu Ijipiti mumwakali bazike.

Nkaambo Mwami Leza wanu uyoomunjizya munyika mbotu, nyika iijisi milonga atusensa, iijisi bapoompo basoomoka mumakkuti amutulundu. Ninyika yabulotwe amaila, nsaansa ankuyu, mapomegileneti, mafuta aaoliva abuci. Ninyika nkomukonzya kulya cakulilekela, kutabulwa cintu. Mabwe aamumo ndubulo, nkaako mulakonzya kusya mukuba mutulundu twayo.

“Lino amucenjele mubone kuti mwatobela malailile oonse ngendimupa sunu, kutegwa mupone, muvule, akutola nyika eeyo Mwami Leza njaakakonkezya kuli basikale banu.

Kwamyaka eeyi iili makumi one zisani zyanu tiizyakamana alimwi tiimwakali kuzimba maulu pe.

Wakamusolweda munkanda mpati iiyoosya, muciyuma-yuma mutakwe maanzi, muli buyo nzoka nkali atubanze. Nikuba boobo wakamupa maanzi kuzwa mumwaala