Popular Bible Verses from 1 Samuyele 17

Share

Mpoonya Devedi wakati ku Mufilisiti, “Yebo waza kulindime apanga amasumo, pele mebo ndaboola kulinduwe muzina lya Mwami Leza, Singuzuzyoonse, Leza wabasilumamba ba Baisilayeli, ooyo ngosampaula.

Bantu boonse babungene waawa balaziba kuti Mwami Leza tavuni apanga niliba sumo, nkondo eeyi nja Mwami Leza, sunu ulakwaaba kulindime.”

Mpoonya Devedi wakati, “Mwami Leza wakandigwisya kuzwa kucifumba casyuumbwa akuzwa kucifumba camunyama wabutambo lino ulandivuna aku Mufilisiti ooyu.” Eelyo Saulu wakati kuli Devedi, “Koya, Mwami Leza abe anduwe.”

Sunu Mwami Leza ulakwaaba kulindiwe, ndilakuuma, nkabela ulawida ansi, kwamana ndilakukosola mutwe. Eelyo mitumba ya basilumamba ba Bafilisiti sunu ndaipa bayuni abanyama bamusokwe, lino nyika yoonse ilaziba kuti kuli Leza mu Isilayeli.

Eelyo wakabweza musako mujanza, wakaakusala mabwe osanwe aabulungene mukalonga, wakaabikka munkomo, wakalijisi a nkwibba mujanza, eelyo wakaswena aafwiifwi ku Mufilisiti ooyo.

Mpoonya Devedi wakati kuli Saulu, “Kutabi muntu naba omwe uulenguka moyo akaambo ka Mufilisiti uulya, mebo ndemubelesi wako ndainka nkamulwane.”