Popular Bible Verses from Loma 8

Share

Kabiji twayuka namba bintu byonse bingijila pamo mu kwibaletela byawama bamutemwa Lesa, bo boba baitwa monka mwayila kufuukula kwanji.

Mambo amiwa nayukishatu namba, nangwa lufu, nangwa bumi, nangwa bamalaika, nangwa bene bakatampe, nangwa bintu byakatataka, nangwa bintu bikeyako, nangwa bya bulume, nangwa bula bwa mwiulu, nangwa kuzhika kwa panshi, nangwa kilengwa kingi, nangwa kya byepi, nangwa kya byepi, kechi bikakonsha kwitwabanya na butemwe bwa Lesa mwi Kilishitu Yesu Nkambo yetu ne.

Byonkabyo ne Mupashi naye witukwasha mu kunekena kwetu. Mambo kechi twayuka byo twafwainwa kulombela ne; bino aye mwine Mupashi witulombelela na mibinzo ya kubula kukonsha kwamba.

Pano tusa kwamba amba ka, na mambo a bino bintu? Umvwe Lesa uji ne atweba, ng'anyi uketwimena?

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Mambo kuta muchima ku buntunshi lo lufu; pakuba kuta muchima ku Mupashi bo bumi ne mutende.

Ine, mu bino bintu byonse twakila mu kushinda monka mwi aye witutemenwe!

Mambo nalanguluka namba bya kumanama bya pa kino kimye kechi byafwainwa kwibyesakanya na lukumo loakamwesha kwi atweba ne.

Ng'anyi uketwabanya na butemwe bwa Kilishitu? Bya malwa nyi? Nangwa buyanji nyi? Nangwa lupato nyi? Nangwa nzala nyi? Nangwa bwamba nyi? Nangwa bya bulwanyi nyi? Nangwa mpoko nyi?

Kabiji aye mwine ukebakeba mu michima yetu, yewayuka ne moayila muchima wa Mupashi, mambo aye wibalombelela bazhijikwa monka mwayila kyaswa muchima wa Lesa.

Mambo bonse mobavujila bo batangijila ku Mupashi wa Lesa bo baana ba Lesa.

Mambo aba baji mu buntunshi bo bata michima yabo ku bya buntunshi. Pakuba aba baji mu Mupashi bo bata michima yabo ku bya Mupashi.

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

Aye Mupashi mwine ushimuna pamo na mipashi yetu amba twi baana ba Lesa. Kabiji umvwe twi baana, byonkabyo kabiji twi banswanyi ba Lesa, ba kuswana pamo ne Kilishitu, umvwe twamanama nanji pamo, amba tukatumbijikwe nanji pamo.

Mambo muchima wata ku buntunshi washikwa Lesa mambo kechi unekenena Mizhilo ya Lesa ne, kine kechi wakonsha kwiinekenena ne.

Mambo bilengwa byonse bibena kutengela kasa byazanza meso na kupembelela kusoloka kwa baana ba Lesa.

Mambo twayuka namba bilengwa byonsetu bibenakubinza ne kumvwa misongo kufika ne buji leelo.