Popular Bible Verses from NINGAT-HI-NGAT NYA 9

Share

Noro tungwatu nindigsi nya di igyai nimai tug hon mun di buhun ninyeng ningai dima bi ikiek yok leu mun di ikuk yok bak bi. Ikuk yok bak ninnei rom nya kin kwar nya kikau. Kwar dima ne iba mas kin perak kin ngkimom-tembaga kin tig kin biei bibon ba, bit bon mun dima yok ingat mpia cem imiap nihyet cem imbut imig cem kan bi. Yo dini ittin ser ide sisar nihwen mun cem ninda dut cem nicut tut yam cem inok ninggimang kep mun cig cem leu ba, ikiek ndam Allah bi.

Leu api hai ceng nya idimba juk leu hum mmup dima ug ei dihyeisi mu ba, ikrau nisindemti di dem kep amai nggre naham tungwatu nya nisindemti. Noro Allah cuon ser hai ceng nya nhyema igyem mintu-minta kin biei njem kin njita kioi nindigsi nya au. Isindem mem gima yaham tungwatu nya di Allah tak buk ei ingwakti bi.

Tirigi malaikati gi nimuhwi miep nide pun mbrei lene dingat ham ningat gom di cut ug ei dihyeisi mu bikrau kusin jui ninnei rom nya ide.

Hai ceng nya ibon nisindemti mem gima ihwen tungwatu nya bimai bi noro igyai niwei biyok he mem bed nitindur muhwi. Niwei di igyai biyok dima bindei ba, inghuisi wei noyam kin amai nggre naham tungwatu nyati.

Ibon ide nibou ndig di ninyeng tak kep yok ba, noni ne malaikati di ninyeng tak kep ninnei rom nya ide jui nsi ri. Mben Ibrani ijem ninyeng Abadon lo, mben Yunani ijem ninyeng Apolion. Nimbot kepti pai Nggek Kep Mun Cig.