Popular Bible Verses from NINGAT-HI-NGAT NYA 8

Share

Tirigi Domba Pmot cug biei nggrai gi nimuhwindacan leu lene mpia mbum-bra ei gwamti mem jam niken.

Tirigi malaikati gi nigom miep nide pun mbrei lene biget di mbras nok tig njep kin hum kin nggrom srig yamti cut ug ei dihyeisi mu biyem dihyei kin biei njem nya kin mintu-minta hagom nittou nsi gom noro nittou nsi can jo.

Leu api dingat lo, hacam krubri hi ko-ko nyen anai bibor ei mpia-bbed him bidimiap noni ba nihyet nindig bibor bahara “Ayo! Ayo! Notou mem tungwatu dihyeisi dini tirigi ariman malaikati ibou ningai bu imiep ide pun mbrei nya i?”

Tirigi malaikati gi nican miep nide pun mbrei lene mun di nindig krop dem kep nungug ttou di ninjeng cig-cai cut ug ei muk ngeisi mu bibindei ba, muk ngeisi nittou nsi gom dem kep nggrom noro nittou nsi can jo.

Tirigi malaikati gi niningai miep nide pun mbrei lene ham di nindig bibor di ninjeng cig-cai dem kep hyem njeng cut leu mpia-bbed him bikieng kep minyei nya kin minyei yaisi nya nittou nsi gom. (Ham dima ninyeng Mpo-Mpam) Gima bindei ba, minyei nya nittou nsi gom mpo-mpam. Tirigi tungwatu nya idut minyei dima lene imang bibor imai hak drek dip nimpo-mpamti.

Tirigi malaikati gi nibitai miep nide pun mbrei lene mpia njap kin bed mmun kin ham nya injeng nittou nsi gom dindi lene nittou nsi can jo. Gima rino nidinditi nggai kep nipigati leu mpia njap kin bed mmun kin ham nya nittou nsi gom noro nittou nsi can jo.