Popular Bible Verses from IBRANI 11

Share

Niba ningon comti bindei ba, ingon ngkiem tut mun di igyok ingon mem. Mbro nok gino ingat mun dima yok bou igyai him bigyo lo, ingon huk niti tu. Niba ningon comti bindei ba, Allah joi sut idigup bat-idigai bat nya.

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

Niba ningon comti bindei ba, ikan tut bipia Allah pai tes mpia-bbed him titut yam tug hon nihyet di tibim ei nuhui him. Noni ba mun di bit bon ingat bou igyai him kan bi bipai tes mun di ingat bou igyai him hagom.

Niba ningon comti bindei ba, Abraham ce tut bibit Allah nihyet tirigi Noni dimig Abraham ba, pinak noni ug ei minu di Allah preu ei mem noni. Abraham kes nitimieisi bimbut ug ei ningkiaisi di noni kan tut bi. Niba ningon comti bindei ba, noni bong ei ningkiaisi di Allah preu ei mem noni. Noni bong kep prak meng behei leu api Ishak kin Yakub cem ibong kep ide prak meng behei ba, iba yo kep nipreu eisi noyam kin Abraham.

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

Niba ningon comti bindei ba, Henokh mai bi noro Allah teu noni tut niyaisi leu dihyeisi. Bihi inggok noni noro bit bon ingat noni bu bi lewo Allah teu noni leu su. Bit leu nok gi ipas ei Allah nihyetti “Nipou tirigi Allah teu noni bigyo ne Allah joi sut noni.”

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

Niba ningon comti bindei ba, Abraham bon nipmot tirigi ninghim koi su. Sara cem pijet noro Abraham ba ningon com Allah di preu ei mem noni.

Lewo Abraham yok ningon mem minu di Allah tin ei biwin tu. Ba, minu dima bon nikiou di sindem bibor di jo kikau.

Niba ningon comti bindei ba, tirigi Musa nok pinjoi ndig tu lene kou sut gima jem Firaun nipmisop nok nipmem. Noni kos tut bipia gi yai ninghuisi wei bit Allah de limwa nya bon ninyeng bidor njiriek gi ngat ningwes ei sisarti mem nijam di jei bi. Musa kos tut bipia mbro nok gino tungwatu nya ikucang noni drek dip Nibou Ndig di teu tungwatu nya biyai niyaijo nijep biyok di Allah preu ei mem yok lo, gini kei bibor dor njiriek gi noni nyeng tut ndigban hagom ei minu Mesir lewo yok ningon mem munkwas di kei di noni miyai ei nidipti bu. Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.

Niba ningon comti bindei ba, Abraham ba nipmot bibon midut nindig mindhe titut ei humti tirigi Allah bingon ningonti. Mbro nok gino Allah preu ei mem Abraham tut yo di intun noni him tu lo, Abraham ce tut ba nipmot gom ngat bibon midut nindig noni kep humti.

Niba ningon comti bindei ba, niba no dahat pinai pmem di ninyeng Rahab yai nimai bit timiei minu ndig Yerikho di isrep tut Allah bi. Lewo noni cigit mben Israel di ikwei yok itta kep ide siceu nya.

Niba ningon comti bindei ba, mben Israel isigon Muk Ngwoi tereu nok imbut ei ninggati. Noro tirigi mben Mesir ibingon ba, isigon lene minyei kot yahagom bingwig.

Niba ningon comti bindei ba, mben Israel imbut sir ngug tig di bikrop ttai minu ndig Yerikho nikiou kikau mem njap muhwindacan leu api ngug tig dima lus ug ei dihyeisi.

Nide niba ningon comti bindei ba, noni dimig Njap Ndig Paskah lene cuk nide limwa nya bipia iba domba ninggrom bihwen dimbou hui ser leu binhyepo Malaikati di sindem mem gima hwen tungwatu nya yai nimai bak ipmot bat mighumbou nya bi.

Niba ningon comti bindei ba, son dideu Yusuf niyaijo ningwig honti lene noni tri tut mben Israel dima ingwes ngun leu minu Mesir ei nidipti bu. Noni pingok nide bat nya ingonti tut nisinati mem gima inyohou ningut tirigi noni mai.

Niba ningon comti bindei ba, Yakub ngat nadi tindei mun di kei mem Yusuf nipmot bat cin nipou tirigi noni mai bigyo. Noni ba tom bitom no lene kuk no binggei sut Allah.

Niba ningon comti bindei ba, Ishak cem preu sut mun di kei di mipek kep mem Yakub kin Esau ei nidipti bu.