Popular Bible Verses from IBRANI 10

Share

Suar idem yam ei nok gom lene ma ibon nyenti nok yo di inghen di idem yam ei bi nya au. Noro ma inyohou pingok yam ngonti bikum eisi bu lewo ikan tut bipia njap di Tuhan mbus tungwatu nya ingonti dideu su.

Ma inyohou pingok yam ngonti leu binhyepo ingon ngakei yam bimpu yam cem.

Ma ikrau kep ide niyok ngon memti di tibim ei nyenti yuhui him lewo ingon ngkiem tut bipia Allah miyai hagom bit leu nok Nonti nipreu ei mem nyeti tu.

Suar jibet jingon kikau leu binhyepo jiyai Allah ningon kanti mem je apino mijiyai mun di Noni preu ei mem je.

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

Gima rino ma jingon cut leu au. Leu gino jiba jingon com kikau ne jimuhup nindig bibor mittau bije.

Gino ibisinggre bibon sisar kikau niabiati Allah nihyet di nijit jo nibreisi mem nye tu lene midut nibikos ser sisarti hi sindem mem gima dip tut ide sisar bu bi. Gi jo mem nyeni rino hukum di mikwei leu Allah tirigi ningon sibui sut yo di isrep tut Noni apino Nide hum miyem yok bingwig!