Popular Bible Verses from ROMABLEISIA 3

Nuuvu gbi ti jumbu hinda wienga tawao ti maa i guhanga a Ngewɔ na a numu bawo. Kɛɛ Ngewɔ yauwandei na va a fe numu wɛ a gbaama, i ti kpɛlɛɛ yɛnga a pɔɔnablaa, i taa tieni luahu gbatɛnga Yesu Kristi sabui hu, Yesu na a numu gbua nduwɔyɛi hu.

Ngewɔ a nungaa yɛlɔ a pɔɔnablaa ji ta la a Yesu Kristi. Ngewɔ a ji wielɔ a nungei nasia gbi ta la a Kristi. Pele wekangaa gbi ii na kulo bɛɛ Ngewɔ aa nungaa wote la a pɔɔnablaa aa tia tieni luahu gbatɛ.

Ngewɔ i Yesu gbuɛilɔ a saa aako ngi haala i yɛ a sabu Ngewɔ i manu ti jumbuisia ma, ji ta la a Yesu. Ngewɔ i ji wieilɔ aako i kɛ kia a nungaa yɛ la a pɔɔnablaa i tia tieni luahu gbatɛ. Pɛiŋ Yesu i ya haa, i yɛ a ngi lii lɔ hou, a wounve nuuvuisia ti jumbuisia ma. Kɛɛ kiahuna a watii ji, Ngewɔ ɛɛ yaa wounve jumbui ma, a kɛlɔ kɛ ta lɔ a numu wote a pɔɔnamɔ i tia ta luahu gbatɛ. Hii Ngewɔ a kɛ kɛ ngi wɔnangɔe tawao kɛ ta lɔ a numu gbi lekee yɛ a pɔnamɔ ina ngi langɔe a Yesu.

Ajifa numu gbi ɛɛ yɛ a pɔnamɔ Ngewɔ yaama jifa lekee a Sawei hou; na Sawei a pie ta mia a ji a pie nuuvu i kɔɔ kɛ i jumbu wienga.

Kia Ngewɔ Gɔlɛi i ndeni la yɛ; “Numu yakpe bɛɛ ii na aa wɔna, numu ii na aa tɔnyɛi yeembui gɔɔ ɔɔ i Ngewɔ gɔkɔli. Numui kpɛlɛɛ ti wounvenga Ngewɔ ma, kpekpeya gbi ii ti kpɛlɛɛ hu: numu gbii na aa kpekpeya wie, numu yakpe bɛɛ.

Ajifa mu ndenga na kɛ na lekee a pie Ngewɔ i numu yɛ a pɔɔnamɔ i tia ta luahu gbatɛ ta mia a lala a Yesu Kristi, hindei nasia wieva ii le Sawei ndeni.

Na ɛɛ wie kulo bɛɛ! Na Ngewɔ a nde yɛ a pielɔ, watii gbi a pielɔ huɛɛŋ kiaa bɛɛ numui gbi ta yɛlɔ a ndɛ gualablaa. Kia Ngewɔ Gɔlɛi i ndeni yɛ, “Ngewɔ, ba tɔnyɛi lɔ le kpema gbi bi yɛpɛngaa; ba temu lɔ majɔɔ ji nungaa ta bi mayia gɛ kotiihu.”