Popular Bible Verses from Mak 9

Share

Jizɔs aks di man se, “Wetin du yu aks mi if a ebul mɛn yu pikin? Pɔsin we biliv pan Gɔd ebul fɔ du ɛnitin.”

Di pikin in papa ala wantɛm se, “A biliv, sa, duya, ɛp mi fɔ biliv mɔ ɛn mɔ!”

Wɛn Jizɔs rich na os, di lanin bɔy dɛn go mit am ɛn aks am se, “Masta, wetindu wi nɔ bin ebul drɛb di dɛbul kɔmɔt insay di bɔbɔ?” Jizɔs ansa se, “Una nɔ go ebul drɛb dɛn kayn dɛbul ya pas una pre.”

“Sɔl na gud tin, bɔt if i nɔ gɛt tes igen, wetin fɔ put pan am fɔ mek i gɛt tes? “Una fɔ mek sɔl de na una layf, so dat una ɔl go gɛt wanwɔd ɛn kol at.”

“Ɛnibɔdi we tɛl pikin lɛkɛ dis fɔ kam nain os fɔseka mi, na mi di pɔsin tɛl fɔ kam nain os; nɔto mi nɔmɔ di pɔsin tɛl fɔ kam nain os, i tɛl di wan we sɛn mi, insɛf fɔ kam nain os.”

A de tɛl una fɔ tru se, if ɛnibɔdi gi una wan kɔp wata fɔ drink bikɔs una na mi lanin bɔy dɛn, di pɔsin go gɛt di pe fɔ dat.

“Ɛnibɔdi we go mek ɛni wan pan dɛn mi lili pikin ya sin, i go bɛtɛ fɔ am if dɛn tay big ston nain nɛk ɛn ib am na dip wata.

If yu yay de mek yu sin, pul am kɔmɔt, i bɛtɛ fɔ mek yu gɛt wan yay ɛn gɛt layf we go de sote go na ɛvin, pas fɔ mek yu gɛt tu yay ɛn go ɛl.