Popular Bible Verses from Mak 10

Share

Mɔtalman Pikin insɛf nɔ kam fɔ mek pipul bi in savant, i kam fɔ bi dɛn savant, ɛn fɔ gi in layf fɔ sev plɛnti plɛnti pipul.”

Jizɔs luk dɛn ɛn se, “Gɔd ebul du wetin mɔtalman nɔ ebul du; Gɔd ebul du ɔltin.”

Jizɔs se, “Go, di biliv we yu biliv dɔn mek yu wɛl.” I bigin si wantɛm, i fala Jizɔs.

So mek pɔsin nɔ pat man ɛn uman we Gɔd dɔn jɔyn lɛkɛ wan pɔsin.”

Jizɔs luk di man ɛn lɛk am, so i se, “Wan tin lɛf we yu nɔ du yet, go sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin, da tɛm de yu go jɛntri na ɛvin; dɛn, kam bi mi lanin bɔy.”

Jizɔs aks am se, “Wetin yu want mek a du fɔ yu?” Di blɛnyay man se, “Ticha, a want mek yu mɛn mi yay, so dat a go ebul si.”

Bɔt nɔto so i go bi fɔ una. If ɛni wan pan una want bi bigman, i fɔ wok fɔ una ɔl lɛkɛ se in na una bɔy.

A de tɛl una fɔ tru se, ɛnibɔdi we nɔ gri fɔ mek Gɔd rul am lɛkɛ lili pikin, da pɔsin de nɔ go kam ɔnda Gɔd in rul.”

Plɛnti pipul we de bifo dɛn kɔmpin naw go de biɛn, ɛn plɛnti pipul we de biɛn naw, go go bifo.”

Bɔt frɔm we Gɔd mek di wɔl, nain ‘I mek tu kayn pipul, man ɛn uman;’ lɛkɛ aw dɛn rayt nain Buk. ‘Na dat mek man go lɛf in mama ɛn papa go mared in wɛf, ɛn dɛn tu go de lɛkɛ wan pɔsin’. So dɛn nɔto tu pipul igen, dɛn tu dɔn bi lɛkɛ wan pɔsin.