Popular Bible Verses from Kuvayo 12

Share

Kuko mur’ iryo joro nyene nzoca mu gihugu ca Egiputa, nkica abana bose b’ imfura bo mu gihugu ca Egiputa, uhereye ku muntu no ku gitunzwe; kand’ imana z’Abanyegiputa zose, amatēka nziciriyeko zose nzoyashitsa: nd’ Uhoraho. Ayo maraso azobabera ikimenyetso ku mazu murimwo: nanje aho nzobona ayo maraso, nzobarengana, nta cago kizobazako ngo kibarandure, igihe nzotera igihugu ca Egiputa.

Kand’ uwo musi uz’ ubabere umusi w’icibutso, muze muwugire umusi mukuru wanje Uhoraho: ukw ibihe vy’urunganwe rwanyu bizogenda bikurikirana, muze mwame muwugira mukuru, kibe icagezwe c’intahava.

Kand’ ukw abana banyu bazobabaza, bat’ Uyu muhango wanyu n’uw’ iki? muze mubishure, mut’ Iki ni co kimazi citwa Pasika y’Uhoraho, kuko yarenganye amazu yacu Abisirayeli, turi muri Egiputa, akayaziguriza, igihe yica Abanyegiputa. Abantu barunama, barasenga.