Popular Bible Verses from VAGALATIA 5

Share

Navutswa vikholwa virulanga khu Roho nu vuyaanzi, khuyaanza vandi, milembe, likhutsila, mwoyo mulahi, vulahi, vusuuvilwa, vuhoma nende khwilinda munjila indahi. Lilako livulakhuho linyala khuhinganyinya vindu khuli vienevo.

Khulwa yako, mbolanga ndi muleshe Roho ave namwimililanga mu limenya lienyu; khandi muleshe khurweshitsa likomba li liiva liu mmbili kwenyu.

Niiva khunyala khumenya khuli Roho yenyanga, leshi Roho atsililile khukhwimilila mu limenya lieru.

Yavo vali va Yesu Kristo, vali khuli vayiirila khu musalaba liiva liavo liosi li mivili ni lienya nende likomba liachio.

Vikholwa vi liiva liu mmbili viamanyikhana havulavu; navio ni vikholwa via vandu vasatsa nende vakhali vakholanga nivashili khuhilana, mwiima kwi shifwavi, nende vikholwa vindi viosi vilerelanga vandu tsisoni; khusaala khu misambwa, vuloochi; vutsiku, khulembana, khushendekha, vurima, vwimani, mahingani, liavukhana nende imbotokha; vutandi, khusieva, nende vindu vindi visasanga vienevo. Muchelihitsanga nunundi, khuli namuchelihitsa khale, vandu vamenyanga munjila khuli yeneyo, shivaliitsa khwinjila mu Vwami vwa Nyasaye tawe.

Munyi vasuuvili vashianje, mwalaangwa khuva vavoholole. Navutswa muvuli khurumishila vuvoholole vwenyu khuva khuli shivune shiu khumwimilila ni liiva lienyu liu mmbili; navutswa murumishile vandi munjila yu vuyaanzi.

Ka liiva liu mmbili kwikombanga kahinganyinyanga ka Roho yenyanga kakholwi. Ka Roho yenyanga kakholwi, kahinganyinyanga ka liiva liu mmbili likombanga. Khuli nu vuhimwa hakari ha Roho nende liiva liu mmbili; khandi yaka kamanyinyanga ndi shiumunyala khukhola ka mwenyanga mukhole tawe.

Malako koosi kahambanyinywa halala mu lilako lilala: “Uyaanze mureende wowo khuli mwene wiyaanza.”

Chendi khuleshe khwilola, khuleshe khurindilana vene inoho khushendeshelana.

Kristo wa khuvoholola, khulu khwenya khuve vavoholole! Sinjili ni tsingulu khuli vandu vavoholole. Muvuli khukwa khandi khuli varukwa va Malako.