Popular Bible Verses from VAEFESO 6

Share

Shikanyala khuva khukwananga vandu tawe; navutswa khukwananga vimilili va matimoni mwikulu, vamihi, vu vunyali, nende vi tsingulu mu shivala shia matukhu ku mu shisuundi kanu.

Mukhole shia shindu shiosi khuvirila mu lisaala, numureeva Nyasaye amukhonye. Musaale shia khase khosi, khuli Roho amwimililanga. Khulondokhana khu shivune yishi, muheenze vulahi nu khuvula khukhutsa mwoyo. Shia khase khosi musaalilikhu vandu va Nyasaye voosi.

Mwiyavaale vindu via Nyasaye yamuha khukwanila, khu muve ni tsingulu tsiu khwishinga khurula khu machelitso ka Ibilisi.

Khulwa yako, mwiyavaale nunundi vindu via Nyasaye amuha khukwanila, khu lwa litukhu liu vutamanu liliitsa khutukha, muliva ni tsingulu tsiu khukuura mutsiku. Numumali khukwana khutukha lukhumalilikha, muliitsa khulolekha mushili ni tsingulu.

Shia khase khosi muve ni lisuuvila, lili khuli ingavo; shichila liliitsa khumukhonya khwishinga khurula khu mivanu chiosi chiu Mutamanu Woyo alesanga. Muhuchilile vuhonyinyi khuli ikofia yu mukasa, khandi likhuva lia Nyasaye khuli shivavi shia Roho amuheetsanga.

Khulwa yako, musinjile ni tsingulu, khandi mwivohe lukhanda mushisindi mwenyu, luli khuli katoto ka Nyasaye, ni inguvu yu mu shiliru khuli likhola liu vulunji, khandi ni vilaaro vienyu vimanyinyanga mwayirechekha khwilwatsa Ivanjeli ileranga milembe.

Lukhumalilikha, muve ni tsingulu mu Mwami, khandi mu tsingulu tsiu vunyali vwevwe.

“Muhe tata wenyu nende mama wenyu luyali” - shichila nalio lilako liu khuraanga lili ni lilaaka: “khulu khukasitswa, nu khumenya khumatukhu manyishi khulilova.”

Munyi vaana, muhulile vivuli venyu mu Mwami, shichila ni shindu shilahi shiu khukhola.