Popular Bible Verses from Nhlavutelo 14

Share

Kutani nitwa rito rihuma tilweni riku: “Tsala lesvi: Kukatekile vafi lava kusukela svosvi vafelaka Hosini!” Moya na wona wuli: “Ina, vakatekile, hikuva vatahumula minkarhalweni ya vona, kutani mintirho ya vona yitavalandzela.”

Lesvi svilava lesvaku vahlawuliwa va Xikwembu vatiyisela, na vali karhi vahlayisa milawu ya xona, ni kupfumela ka vona ka Yesu.

Kutani yitlakusa rito yiku: “Chavani Xikwembu, mixidzunisa, hikuva nkarhi wa xona wa kuyavanyisa wufikile. Mugandzeleni, yena muyendli wa tilo ni misava ni wa lwandle ni svihlovo sva mati.”

Kutani kulandza ntsumi yin'wana ya vunharhu, yitlakusa rito yiku: “Mun'wana ni mun'wana lweyi agandzelaka xivandzana ni xifaniso xa xona, atlhela akuma ni mfungu mombzeni wa yena kumbe vokweni ra yena, na yena atanwa vhinyu ra vukarhi bza Xikwembu, leringatacheliwa xinwelweni xa kukariha loku ka xona, na ringatimuliwanga; kutani ataxanisiwa hi ndzilo ni xivavula, mahlweni ka tintsumi letokwetsima ni le mahlweni ka Xinyempfana. Kutani musi wa ndzilo lowu wuvaxanisaka wutuvikela henhla hilaha kungaheliki; lavagandzelaka xivandzana ni xifaniso xa xona, svin'we ni hinkwavu lava vayamukeleke mfungu wa vito ra xona, avakumi kuwisa, vaxaniseka vusiku ni nhlekanhi.”

Nilanguta, kutani nivona Xinyempfana na xiyimile ntshaveni ya Siyoni, na xili ni vanhu va dzana ni mune wa makume ni mune wa makhulu (144 000) lava mimombo ya vona yitsaliweke vito ra xona ni ra Tatana wa xona.

Kutani nivona ntsumi yin'wana na yili karhi yihaha hi le xikarhi ka tilo, na yili ni Evhangeli leyingaheliki, lesvaku yitayipaluxa ka lava vayakeke misaveni, ka vanhu va matiko hinkwawu, ni va tinxaka hinkwatu, ni va tindzimi hinkwatu, ni va svib'ongo hinkwasvu.

Kulandza ntsumi yin'wana ya vumbirhi, yiku: “Awile, awile Babilona, doropa lerikulu, rona leri ringanwisa vanhu va matiko hinkwawu vhinyu lerobava ra vuwosvi bza rona!”