Popular Bible Verses from Nhlavutelo 13

Share

Lesvi svilava vutlhari: Lweyi anga ni kutwisisa aakume nhlayo yoleyo ya xivandzana, hikuva i nhlayo leyivulaka vito ra munhu. Nhlayo yakona i ntlhanu wa madzana ni rin'we ni ntlhanu wa makume ni rin'we ni ntlhanu na xin'we (666).

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Nasvona, xivandzana lexi xilerisa lesvaku vanhu hinkwavu, lavakulu ni lavatsongo, vafuwi ni svisiwana, vatshunxeki ni svikarawa, vafungiwa vokweni ra xinene kumbe ka ximombo, kuyendlela lesvaku kungavi na mun'we lweyi akotaka kuxava kumbe kuxavisa, loko angali na mfungu, hi lesvaku vito ra xivandzana, kumbe nhlayo leyivulaka vito ra xona.

Lweyi kukhomiwa svimukongomeke, atakhomiwa hakunene; ni lweyi kudlayiwa hi tlhari svimukongomeke, atadlayiwa hi tlhari hakunene.” Lesvi svivula lesvaku vahlawuliwa va Xikwembu vafanele kutiyisela, vava ni kupfumela.

Kutani nivona xivandzana na xihuma hi le lwandle. Axili ni khume ra timhondzo ni tinhloko ta ntlhanu ni timbirhi, ni hari ya vuhosi rimhondzweni rin'wana ni rin'wana ra xona, ni vito lerisandzaka Xikwembu na ritsaliwile tinhlokweni ta xona.

Nasvona, xipfumeleliwa kulwa ni vahlawuliwa va Xikwembu ni kuvahlula. Xinyikiwa ni matimba henhla ka vanhu vatinxaka hinkwatu, ni vasvivongo hinkwasvu, ni vatindzimi hinkwatu, ni va matiko hinkwawu.

Kutani hi masingita lawa xipfumeleliwaka kumayendla mahlweni ka xivandzana lexorhanga, xikanganyisa vayaki va misava, xivabzela kuyendla xifaniso vayendlela xivandzana lexi axitsemiwile hi banga kambe xiya mahlweni xihanya. Kutani xivandzana xavumbirhi xipfumeleliwa kunghenisa kuhefemula ka xifaniso xa xivandzana lexorhanga, lesvaku xifaniso xakona xikota ni kuvulavula, ni kuyendla lesvaku lavayalaka kuxigandzela vadlawa.

Xivandzana lexi nixivoneke, axifana ni yingwe, milenge ya xona ayifana ni ya berhe ni nomo wa xona awufana ni nomo wa nghonyama. Kutani dragona rinyika ntamu wa rona ka xivandzana lexi, nasvona riva rinyikela ni xiluvelo xa rona ni matimba lamakulu.

Kutani xivandzana xinyikiwa nomo wohumesa marito yotikulisa ni yosandza, xipfumeleliwa kutirha kuringana tihweti ta mune wa makume ni timbirhi.

Yi'nwe ka tinhloko ta xivandzana yivoneka na yili ni muzoko lowuyisaka kufeni, kambe muzoko wakona wuhola, kutani misava hinkwayu yilandza xivandzana lexi, yixihlamala.

Kutani nivona xivandzana xin'wana lexihumaka hi le misaveni, na xili ni timhondzo timbirhi kufana ni Xinyempfana, kambe xivulavula kukota dragona. Ka xivandzana lexorhanga, lexavumbirhi xi ni matimba hinkwawu yotirha, kukota lexorhanga; xisindzisa misava ni vayaki va yona kugandzela xivandzana lexorhanga lexi muzoko wa xona woyisa kufeni wungahola.