Popular Bible Verses from Va le Galatiya 6

Share

Loko hili karhi hiyendla lesvinene, hingakarhaleni, hikuva hitatshovela hi nkama wakona, loko hingaheli mbilu.

Hikolaho, minkama hinkwayu loko svikoteka, ahiyendleleni vanhu hinkwavu lesvinene, ngopfungopfu va njangu wa lavapfumeleke.

Rhwalelanani mindzhwalu, kutani, hi kuyendlisa svosvo, mitava mihetisa Nawu wa Kriste.

Mingatshukeni mitixisa: Xikwembu axivungunyiwi; xin'wana ni xin'wana lexi munhu axibzalaka, atatshovela xona

lweyi abzalaka sva kutsakisa ntumbulukwini wa yena wa nyama, atatshovela sva kubola lesvihumaka ka ntumbuluku wa yena wolowo; kambe lweyi abzalaka svakutsakisa Moya, atatshovela lesvihumaka ka Moya, bzinga vutomi lebzingaheliki.

Vamakwerhu, loko mun'wana akumiwa na ali karhi ayendla xihoxo, n'wina lava minga va Moya, muvuyiseni hi moya wa musa. Ka mun'wana ni mun'wana wa n'wina, nili, tivonele lesvaku na wena ungaringiwi.

Hikuva loko mun'wana ayanakanya lesvaku yena xanchumu, kasi ahi nchumu, watikanganyisa. Mun'wana ni mun'wana aakambisise ntirho wa yena, kuli kona angakotaka kutidzunisa hi sva yena, kungali hi sva mun'wana; hikuva mun'wana ni mun'wana atarhwala ndzhwalu wa yena.