Popular Bible Verses from Va le Galatiya 5

Share

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka ni timpsalu ni kutikhoma. Awukona Nawu lowulwaka ni svofana ni lesvo.

Lesvi nisvihlayaka hi lesvi: Fambani hi Moya, kutani mingakala mingakolwisi kunavela ka ntumbuluku wa n'wina wa nyama

Lesvi Moya uhinyikeke vutomi, ahihanyeni hi kulerisa ka wona.

Lavanga va ka Kriste Yesu va vambile nyama ni sva yona, svifa; avahasvihisekeli, avahasvinaveli.

Mintirho ya ntumbuluku wa nyama yi le rivaleni: I kuwosva ni mikhuva ya chaka ni manyala, ni kuphahla svikwembu sva hava ni xiloyiloyi ni rivengo ni timholova ni vukwele ni kukariha ni vutirhandzi ni kuyavana ni kulwetana, ni mavondzo ni vudakwa ni magolo ni svofana ni svosvo. Namitsundzuxa, hilaha nitshamaka nimitsundzuxa hakona, lesvaku lavayendlaka svofana ni lesvo, vangakala vangavi na kuyaveliwa kufumeni ka Xikwembu.

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

hikuva kunavela ka nyama kulwa ni Moya; nasvona kunavela ka Moya kulwa ni nyama. Svilo lesvi svimbirhi svalwetana, kutani mahluleka kuyendla lesvi milavaka kusviyendla.

Hikuva Nawu hinkwawu wuhlanganisiwa hi kulerisa lokunge: “Rhandza munhukuloni kufana ni loko utirhandza.”

Hingatshukeni hitilavela kutidzunisa ka hava; ahichaveni kupfukana ni kutshohokana.

Hi tshunxiwile hi lesvi Kriste ahitshunxeke. Hikolaho, yimani mitiya, mingahatlheleni mitiveka hansi ka ndzhwalu wa vukarawa.