Popular Bible Verses from Iromayon 2

Share

Konye ijo, opaupa kang', isomae ijo iboro lupe ng'ulu lu konye kotubonokini ijo luce ikamuut iboro ng'ulu! Itunene ijo ebe ikue ijo atubokino ka Akuju? Kere caat itamamuut ijo asianut keng' na epolo, akikanya keng', kiton atitinyu keng'. Teni ijeni ijo ebe esiana Akuju, naarai etamakiit nesi ayaite ijo akiyamo.

Kanuka ng'un opaupa kang', itubonokini ijo luce? Mam cut kitimio ijo, atikere kirait ijo ng'ai. Naarai kituboki ijo luce konye kisomae ijo nupe isomaete kesi, itubokin ijo ilope.

Naarai etubonokini Akuju ng'in itwan ekipone epe.

Mam kerait akipupu Ekisil nes einakini itung'a imarakino adolite kamaka Akuju, konye erait asoma nu icorakiit Ekisil.

Naarai ebuni Akuju akiropo ng'in itwan atupa kanu esoma ng'in itwan.

Itung'a ice eminasi awate kes bon, ka ang'erite nu ideerete kanuka akigwapite nukarokok. Ebuni Akuju akijukun kuju kes anyunyura keng' kiton apipilu keng'.

Konye ijaasi ijo ka etau kalo icasit kalo emam kepupi akiro. Kanuka ng'unu, itenakiit ijo akwana kon kelope akitisilaro, na edepara kapaaran kana etakanuuna anyunyura ka Akuju nepepe ka atubonokin keng' na edolit.