Popular Bible Verses from Isabulin 119

Share

Erait akirot kon atara kang' na eyait eong' ka acaus na ecae koroto kang'.

Aricaki eong' akirot ko otau kang', tetere mam eong' kesomakini ijo arokusio.

Ikote lukatumunak idarete akijar kes kokipone ka Lokalaunan ai? Erait kokipone kaloka ayong'ite acorasia kon.

Erereng' ng'ulu lu igwapito acorasia keng', lu eyong'ito nesi kitawon kes kere.

Ijo nes ebuku kang' bobo lokedaran kang'; epiakiit eong' akiyuun kang' toma asumunet kon.

Kisisianak eong' apolou naka ekisil kon, abuni eong' akiyong' ekisil; abuni eong' akiyong' ekisil ketau kang' kere.

Koinaki eong' amina naka ayong'ite ikisila kon adepar adumun abara.

Ajokuna akitisilaro kon kama kang', naarai abu king'araki eong' akisisia acorasia kon.

Atikere na ajaare eong' ocani kang' apon king'aing'ai eong' naarai abu asumunet kon koinaki eong' akijar.

King'arak eong' ayong'ite ikisila kon naarai adumuni eong' alakara kotoma kes.

Kisisianak eong', Lokapolon apolou naka ikisila kon, bobo abuni eong' ayong'ite kesi apakio kere.

Kelanyat eong' ican; kisicata eong', kwape isulwanyikina ijo eong'.

Amina eong' ekisil kon! Eitunene eong' kuju keng' apaaran kere.