Popular Bible Verses from Isabulin 103

Share

Kitur Lokapolon, Okwai emoyo kang'; bobo mam akimuruokin ajokus keng' kere

nesi erimanakini arokusio kang' kere, nesi imadi adekasinei kang' kere, nesi itukuye eong' katwanare, ka akisulwanyikin eong' ka amina ka asianut. Nesi nes isimonikini eong' kiboro kalukajokak, tetere iteteuno ajaus kang' nikatumunan kwape ka ekokom.

Kitur Lokapolon, Okwai emoyo kang'; Ejautene kang' kere, kitur ekiror keng' ka Lokalaunan!

Kwape ejokunare papa kamaka idwe keng', nes ekipone ejokunare Lokapolon kamaka ng'ulu kalu eyong'ito nesi.

Kwape elwanare kide alomun ko to, nes ekipone lo elemara nesi arokusio wok.

Erait Lokapolon loka akisoni ka asianut, mam ketapana nesi anyunyuraar bobo ileleba nesi amina na emam esial.

Mam nesi kitisilanari oni kwape itemokinare, kere de atacanakin oni atupa ka arokusio wok ka apacanareta. Kwape elwanare kuju kokwap, nes ekipone lo epolore amina keng' kamaka ng'ulu kalu eyong'ito nesi.

Kebuu Lokapolon kigwaaki ekicolong' keng' loka akipuga kuju; erait nesi ejakait ka itung'a kere.