Popular Bible Verses from Awaragasia 22

Share

Kisisianaki ikoku kokipone kalo itemokina akitup, kemojong' nesi mam kepayari awai.

Eropit kanuka akiyapepera nepepe ka ayong'ite Lokapolon erait abara, ang'osibib ka akijar.

Koseu ekiror lo ejokuna akilanya abara na epolo noi, bobo ejokuna asianut akilanya epuesa kere esawabu.

Mam aupa ka itung'a lu enyunyuraka.

Ng'in ni edutana ka akimor kaluce; isirereng'io, naarai emorete nesi inyamata keng' kalu epalipalito.

Itwan nika acoa anyuni ican, kong'opi; konye ni mam kewomowomoe itolosit, ka adumun ican.

Ipugae nikabara nikapalapalan, ni ilipanari erait ibulesut kani einanakini.

Ni ebarit kani epalipalit emorete akirot na ape: Lokapolon kesubuni kesi kere.

Mam akideme nikapalapalan kanu epalipalitere nesi; kere de akimik lu emam apedor abeite kama etubonokinere itung'a. Naarai ebuni Lokapolon akigang' kesi, ka amudiar akijar kalu isicanete kesi.