Popular Bible Verses from Awaragasia 2

Share

Erait Lokapolon nes einanakini itung'a acoa; nama keng' nes elomuna acoa nepepe ka akijen.

Ikoku kang', kicamu ijo akiro kang', ka aricakin ikisila kang', ka ainakin akii kon akipup acoa, ka ainakin etau kon akote akijen; Eebo, kilip ijo awomisit, ka akilip akijen, kikoo ijo nesi bala epuesa, ka akote nesi bala ibore nikajokan ni igwaite; Kikok ijo neni, ijenuni ijo acoite Lokapolon, ka adumun akijen naka Akuju.

Einanakini nesi aking'arasit nepepe ka akidario ng'ulu lu edolito bobo komunokina. Idari nesi ng'ulu lu isomanakinete luce kojokan, ka akidara lu emunokiito nesi.

Naarai itung'a lu ideerete ebunete akiboi ka akwap. Kosodete itung'a lu eyong'ara akideun. Konye elemari Akuju lukarokok kotoma akwap, ka arutor lukarokok ka akwap bala iraito.

Ibeikini ijo aking'er aberu nadote, na etamakini akisinere ijo ka akiro kanu ejijim, na inyekini okilen keng', ka akimuruokin akitutuket ka Akuju keng'.