Popular Bible Verses from Awaragasia 11

Share

Itwan ni esyana ing'aranakino, ni itamasenene luce akipi itamasio nesi de.

Ni einanakini ka asyanut itolosi akibara. Konye ni eninik, itolosi apalapala.

Itung'a lu ipogasi aaputi akitisilikin. Akiyapepera ejaasi ka acoa.

Ibirori akwap kemam kejaasi ka ayaite na ejokuna. Nama ejaasi luka acoa lu ipu ejii aipuc.

Adolite einakini akijar, konye adedeng'u elemari akijar.

Emam itwan ipede ni ilodoe ebeikino amunokini, konye ibeikin ijo amunokini ng'in ni emunokina.

Etwan lo itimono edumuni elope ajokusio. Konye lo ekutukana ikang'asa elope.

Ng'ini ni emunokit abara keng' ebuni akiriny, konye ni edolit ecalicali bala akuyet.

Mam abara king'arakin ijo ibore apaaran naka atwanare kon, konye ebeikini abeite akiyuun akijar kon.

Kijokuna ijo, kiyait ijo abeite. Itung'a lu mam kemunokite emudiar kesi aliokonu kes ka ikulopek.

Aberu na itemelel komam acoa eputosi ka egilutu loka esawabu kokume ka epege.

Ereit Lokapolon itung'a lu itosomaete imisaanin luka aliokonu. Elakara nesi ka imisaanin luka abeite.